Lexus ka prezantuar edhe zyrtarisht në sallonin e automobilave në Pekin gjeneratën e shtatë të limuzinës ES.
Modeli i ri është më i gjatë se sa paraardhësi për 65 mm (4.975 mm), ndërsa distanca ndërmjet rrotave është më i gjatë për 50 mm. Lexus ES është më i gjerë për 45 mm nga gjenerata e mëhershme.
Lexus tash për tash ka bërë të ditur vetëm detaje teknike të modelit ES 350 për tregun amerikan, transmeton KosovaPress.
Ky automobil është i pajisur me motor 3.5 litra V6 me 305 kuaj fuqi, që do të thotë se është për 30 kuaj fuqi më i fuqishëm se sa pararendësi i tij.
Motori është i lidhur me ndërrues automatik prej tetë shpejtësive. Në ofertë do të jetë edhe hibrid ES 300h, por prodhuesi nuk ka publikuar specifikat.
Lexus ES në sallonet e shitjes arrin deri në fund të vitit 2018.
