Sipas një raporti zyrtar nga gjiganti Korean i teknologjisë, Samsung do të lansojë orën e mençur Gear S3 në mes të nëntorit, një muaj nga tani.
Lajmi është bërë i ditur nga vet Samsung kështu që nuk kemi të bëjmë me një thashethem por me lajm të saktë.
Gear S3 pritet të lansohet së pari në Korenë Jugore, SHBA-të dhe Bashkimin Evropian.
Pajisja tashmë është e gatshme për paraporositje në Kanadë ndërsa sa i përket tregut kinez dhe atij indian, duket se çuditërisht Samsung ka vendosur lansim të mëvonshëm atje.
Data e caktuar për dërgimin e porosive në Kanadë është 18 nëntori. Ndërkohë në Holandë, Samsung ka deklaruar se pajisja e fundit për veshje do të lansohet më 4 nëntor, mirëpo sipas gjitha gjasave, kjo datë mund të shtyhet së paku për një javë.
Çmimi i Gear S3 ende nuk është bërë i ditur megjithatë sipas spekulimeve të ndryshme thuhet se pajisja do të shitet për 357 dollarë apo 325 euro. Mbetet të shihet nëse këto spekulime do të jenë të vërteta.
