Një tragjedi ka ndodhur në Ohër pasi një banor ka rënë nga shtëpia dhe ka ndërruar jetë në vend, njofton policia e Ohrit.
“Më datë 06.11.2023 në ora 10:38 në SPB Ohër është raportuar se I.H.(59) nga fshati Leskoec i Ohrit, i cili ishte duke kryer punë ndërtimore në një shtëpi në fshatin Ramne të Ohrit, ka rënë dhe ka ndërruar jetë.
Ekipet policore kanë kryer hetim në vendin e ngjarjes.
Ndërsa me urdhër të prokurorit publik, trupi i pajetë i të ndjerit është transferuar në repartin e mjekësisë ligjore në Spitalin e Përgjithshëm në Manastir, ku është kryer autopsia”, thuhet në njoftimin e MPB-së.
