Drejtorja e të Ardhurave Publike, Sanja Llukarevska sot u shpreh se për katër vite, 107 milionë e gjysmë euro u janë kthyer qytetarëve përmes “TVSH-së ime”. Që nga prezantimi i aplikacionit janë regjistruar pothuajse 538.919 përdorues dhe ky numër është në rritje të vazhdueshme.
Përveç numrit të përdoruesve, Lukarevska në një konferencë për media tha se po rritet edhe numri i llogarive fiskale të skanuara të shitjeve dhe se vetëm vitin e kaluar, qarkullimi nga faturat e skanuara ishte 178,7 miliardë denarë.
Pagesa nga tremujori i dytë, në muajt prill, maj dhe qershor, do të realizohet në muajin gusht. Pritet që të paguhen pak më shumë se 11.2 milionë euro.
“TVSH-ja ime është një nga masat e realizuara më së miri, e cila jep efekt të shkëlqyeshëm dhe pikërisht për këtë shkak, sot, mbi gjysmë milionë qytetarë e shfrytëzojnë këtë mundësi për kthim të mjeteve “,u shpreh sot kryeministri Dimitar Kovaçevski.
