Policia e Kosovës ka konfirmuar aksidentin që ka ndodhur mbrëmë në komunën e Lipjanit. Zëdhënësja e Policisë, Flora Ahmeti, ka thënë për gazetën “Bota sot” se nga aksidenti që ka ndodhur në fshatin Llabnasellë, ka mbetur një person i lënduar.
Lexo edhe këtë: Aksident i rëndë afër Lipjanit, lëndohet vëllau i Hashim Thaçit?
“Aksidenti ka ndodhur në Llabnasellë, një person është i lënduar dhe bëhet fjalë për një veturë të tipit Passat me targa të Republikës së Kosovës”, ka konfirmuar ajo, duke mos dhënë detaje të tjera lidhur me identitetin e personit të lënduar.
Mediat raportuan se në këtë aksident është i përfshirë vëllai i presidentit Hashim Thaçi, Nazim Thaçi.