Parku Nacional “Gërmia” sot ishte më i qetë se dje.Për dallim nga e diela ku qindra qytetarë kanë festuar 1 Majin në “Gërmi”, numri i atyre që janë relaksuar sot është dukshëm më i vogël.
E kur numri i qytetarëve është më i vogël atëherë ka edhe më pak punë për punëtorët e “Hortikulturës” që është përgjegjëse për përkujdesje të “Gërmisë”.
Ata duhet të mbledhin mbeturinat që qytetarët i lënë prapa e që dje ishin bukur shumë.
Sot edhe pse “Hortikultura” kishte dalë në aksion, numri i mbeturinave ishte i vogël.
“Gërmia’ një ditë pas 1 Majit ishte shumë më e qetë dhe më e pastër se dje.