Nga 28 në 30 gusht 2012 Instituti Alb-Shkenca (IASH) organizoi në Shkup takimin e X Vjetor shkencor ndërkombëtar.
Ky takim u organizua në bashkëpunim me Universitetin e Europës Juglindore dhe atë Shteteror te Tetovës dhe pati si temë bosht: “Bashkëpunimi shkencor mbarëkombëtar në funksion të përparimit e të mirëkuptimit ndërkombëtar”.
IASH është një strukturë joqeveritare që bashkon studiues të të gjitha disiplinave shkencore nga diaspora e nga trojet shqiptare në Ballkan, institucioni i parë shkencor gjithëshqiptar dhe më i madhi deri më tash.
Takimi mblodhi shkencëtarë shqiptarë e të huaj nga shumë universitete, institute e qendra kërkimore shkencore të hapësirës mbarëshqiptare e asaj nderkombetare.
Në të morën pjesë studiues nga universitete publike e private dhe institucionet e struktura kërkimore–shkencore të Shqipërisë, Kosovës, Maqedonisë e Malit të Zi e nga një numër i konsiderueshëm universitetesh te Europes, Shteteve te Bashkuara e më gjerë.
Në Takimin X Ndërkombëtar të Institutit Alb – Shkenca u paraqitën rreth 250 kontribute shkencore nga 9 seksionet shkencore të Institutit: shkencave filologjike-albanologjike, të shoqërisë e politikës, të drejtësisë, të mjekësisë, të natyrës, të ekonomisë, të bujqësisë, të mjedisit, të inxhinierise e të informatikës.takim1
Suksesi i Takimit ishte rezultati i angazhimit të të gjitha grupit drejtues te IASH në të tre degët e tij gjeografike (Shqipëri, Kosovë, Maqedoni) e në mënyrë të veçantë i grupit organizator në Shkup i koordinuar nga Prof. Bashkim Ziberi e Prof. Zeqirja Neziri (Universiteti Shteteror Shkup e Tetovë).
Takimi i ardhshëm ndërkombetar , i XI i Institutit Alb-Shkenca, do të organizohet në Tiranë, në fillim te shtatorit 2016.
Ftojmë studiuesit e interesuar t’i bashkohen Institutit Alb-Shkenca per të dhenë kontributin e tyre në menyrë të drejtpërdrejtë me ide organizative e shkencore.
Instituti Alb-Shkenca eshte nje institucion i ri në mentalitet dhe moshë i cili dëshiron t’u japë zë dhe hapësirë veprimi të gjithë intelektualëve shqiptarë qv veprojnë në Ballkan, per te përqëndruar potencialin intelektual shqiptar drejt rritjes së nivelit të mendimit intelektual mbarëshqiptar.
