Në jug të Mitrovicës sot kanë filluar gërmimet nga Mjekësia Ligjore me dyshimin për ndonjë varrezë masive, të personave të vrarë gjatë luftës së fundit në Kosovë.
Drejtori i Departamentit të Mjeksisë Ligjore Arsim Gërxhaliu tha për Klan Kosovën se këto gërmime janë ndalur para gati dy muajve pasi nuk ishte kontraktuar asnjë kompani që gërmon me eskavatorë.
Për këto vonesa drejtues të komisionit parlamentar për të pagjeturit para disa dite akuzuan mjeksinë ligjore dhe ministrinë e drejtësise se i kanë zvarritur punët.
Ndërkaq, Gerxhaliu tha se vonesat në procesin e gërmimeve po bëhen dhe për shkak përfshirjes së sekserëve të shumtë të cilët sipas tij nuk kontribuojnë shumë në këtë drejtim.
Sipas tij, komisionit parlamentar për të pagjeturit iu mungon lista unike që duhet ta kenë për të zhdukurit , kur siç tha ai “dihet që ky procës po vazhdon tash e 16 vjet”
Madje drejtuesi i Mjekësisë Ligjore ka drejtuar akuza ndaj kreut të komisionit për të pagjeturit Prenk Gjetaj se nuk po e kryen punën e vet si duhet.
