Magjistralja e Fushë-Kosovës po del të jetë e rrezikshme për jetën e këmbësorëve.
Nuk janë të pakta rastet e aksidenteve. Rasti i fundit u shënua dje, kur një veturë goditi për vdekje dy persona. Banorët e kësaj zone kërkojnë intervenim urgjent nga institucionet kompetente, në mënyrë që këmbësorëve t`u ofrohet siguri më e madhe në rrugë.
Mungesa e vendkalime të destinuar për këmbësorë në magjistralen e Fushë-Kosovës, po del të jetë rrezik potencial për jetën e kalimtarëve.
Qytetarët thonë se nuk është hera e parë që në këtë rrugë goditen persona si pasoj e shpejtësisë së madhe të veturave.
Zyrtarë të Ministrisë së Infrastrukturës, edhe pas insistimit të RTK-së për të marrë një përgjigje për këtë çështje, nuk u prononcuan me arsyetimin se personat përgjegjës për infrastrukturë rrugore në këtë Ministri, janë në pushim.