Qeveria e Helsinkit i ka dërguar një letër mbi 900 mijë rezervistëve, përfshi finlandezët rezidentë jashtë vendit, për t’ua kujtuar detyrat që kanë “në rast lufte”.
Letra nuk e citon direkt Rusinë, por është fqinji i fuqishëm i vetmi vend me të cilin janë të mundshme tensionet.
Në letër, citon Daily Telegraph, i kujtohet çdo rezervisti se cilit regjimenti apo njësie i takon: “Bashkëngjitur”, shkruhet, “do të gjeni detajet tuaja personale, ashtu sikurse edhe rolin tuaj në rast lufte”.