Presidentja e Republikës së Kosovës, Atifete Jahjaga, ka shpëtuar pa “thyer” këmbët të enjten derisa ka zbritur shkallët për të përshëndetur anëtarët e kabinetit qeveritar të ulur prapa foltores në Kuvendin e Kosovës.
Nuk dihet nëse “e morën mësysh” apo e “tradhtuan” këmbët, porse në momentin kur gati u përplas katër ministra, Skënder Hyseni, Arsim Bajrami, Ferid Agani e Lutfi Zharku mbetën të shtangur.
Për fat, ajo "nuk u besoi" këtyre xhentëlmenëve, tregoi reflekset e saj, e mori veten dhe u kthye në karrigen e rezervuar për të, derisa të dilte në foltore për të mbajtur fjalimin e saj vjetor në Kuvendin e Kosovës.