Shpërthimi i gypave të Ujësjellësit Rajonal “Prishtina” pothuajse është bërë përditshmëri në kryeqytet.
Dy ditë pas shpërthimit të një gypi të ujësjellësit në rrugën “Robert Doll”, në lagjen Dardania të Prishtinës, lajmi.net të premten ka bërë këto foto që tregojnë përmbytjen e të njëjtës rrugë nga një shpërthim tjetër.
Javën e kaluar, një shpërthim i gypit të ujësjellësit kishte ndodhur edhe në rrugën UÇK, raste që sipas Ujësjellësit Rajonal “Prishtina” janë duke ndodhur për shkak të vjetërsisë së gypave.
Dhe sa herë që shpërthejnë gypat e ujësjellësit, përveç reduktimeve me ujë të pijshëm për lagjet e caktuara, pason edhe tollovia në trafikun urban.
