Vendimi i Gjykatës Kushtetuese i cili e ka shpallur antikushtetues zgjedhjen e Isa Mustafës kryetar të Kuvendit, njëherësh e ka lënë të hapur mundësinë për vazhdim të seancës aty ku ishte mbyllur, ia ka mundësuar Flora Brovinës që ajo t’i thërrasë deputetët në seancë. Por thirrja e seancës është kushtëzuar nga ana e saj.
Ajo këmbëngul se nuk do t’i thërrasë deputetët, derisa liderët e partive politike të arrijnë një marrëveshje për të dalë nga ngërçi politik në të cilin është futur vendi. Ky kushtëzim i saj, sipas njohësve të çështjeve kushtetuese, po ndikon në zgjatjen e kohës së konstituimit të Kuvendit. Sipas tij, mungesa e konstituimit po e dëmton shtetin.
Riza Smaka, njohës i çështjeve kushtetuese, ka thënë se Flora Brovina nuk mund ta kushtëzojë, thirrjen e seancës. Sipas tij, seanca duhet të thirret menjëherë, në mënyrë që sa më parë të konstituohet Kuvendi dhe Qeveria. Sipas tij, këto dy institucione duhet të konstituohen brenda një muaji.