Unë asnjëherë nuk e kam ndarë gëzimin me Ty
Mirëpo unë edhe për Ty shumë herë jam gëzuar
E çdo herë kur kemi festuar së bashku ne të dy
Gëzimi ynë është rritur dhe nuk është zvogëluar
Unë asnjëherë nuk kam ndarë dhimbjen me Ty
Edhe kur ndamë dhimbjen, ajo nuk është shuar
Por kur i kemi bashkuar dhimbjet tona ne të dy
Dhimbja është rritur por më lehtë është kaluar
Unë asnjëherë nuk kam ndarë vuajtjen me Ty
Edhe nëse vuajtjen e shpirtit e kemi bashkuar
Ishte më e lehtë kur vuajtëm së bashku të dy
Por vuajtja e shpirtit tim nuk është zvogëluar
Unë asnjëherë nuk kam ndarë dashurinë me Ty
Se ndarje në natyrë gjithëmonë është zvogëlim
Kurse prej se i kemi bashkuar zemrat ne të dy
Është dyfishuar dashuria për Ty në shpirtin tim.
