Ministria e Administrimit te Pushtetit Lokal dhe Komuna e Obiliqit kanë nënshkruar sot një memorandum mirëkuptim për bashkëfinancimin e projektit kapital ‘Rrethrrotullimi , trotuar, ndriçim” për segmentin rrugor Obiliq –Prishtinë.
Sipas një njoftimi të Komunës së Obiliqit, projekti do të fillon nga pjesa e mbetur e lagjes Subotiq e deri tek lagjja Rexhepi (afër autostradës ).
“Projekti ka vlerë 176,078.67 euro. MAPL bashkëfinancon në shumën 98,000.00 euro këtë projekt ,kurse Komuna e Obiliqit participon në shumën e mbetur. Ky projekt është më rendësi vitale për qytetin e Obiliqit sepse vazhdohet me pjesën e mbetur me trotuar dhe ndriçim LED, rrethrrotullimi tek Instituti i Mjekësisë së Punës, ku për vite të tëra ka qenë pikë e zezë për aksidente, më këtë synohet të arrihet siguri në lëvizje të automjeteve dhe siguri për lëvizje të këmbësoreve e sidomos nxënësit ku të cilët çdo ditë kanë udhëtuar në këtë segment rrugor. Paralel do të ndërtohet rrjeti i ri i ndriçimit publik me standarde me të larta të efiçencës LED.
Në vitin 2014, në këtë aks rrugore dhe lagjet përreth komuna ka inv estuar në rrjetin e ujërave të zeza dhe të bardha.