Presidentja e Republikës së Kosovës, zonja Atifete Jahjaga takoi sot kryetarin e Kuvendit të Kosovës, zotëri Kadri Veselin, për të diskutuar zhvillimet e fundit në këtë institucion.
Sipas njoftimit për medie, presidentja Jahjaga shprehu shqetësimin e saj për veprimet e dhunshme në seancën e djeshme të Kuvendit të Kosovës dhe pengimin e procesit demokratik.
Presidentja Jahjaga inkurajoi deputetët e Kuvendit të Kosovës që mospajtimet konceptuale dhe politike t’i diskutojnë me forcën e argumentit dhe në frymën e kulturës parlamentare, të cilën synojmë ta ndërtojmë.
