Amendamentet Kushtetuese për krijimin e Gjykatës Speciale, riprocedohen në Kuvend, mbas dy javësh. Televizioni Rrokum, merr vesh prej burimeve të besueshme brenda koalicionit qeverisës, se do të caktohet një seancë e re për datën 9 Korrik, e ku në rend dite, do të jenë mendamentet Kushtetuese, te cilat nuk arriti t’i miratoi Kuvendi, të premten e kaluar.
Televizioni ka mësuar edhe planin e Qeverisë për rikthimin e këtyre amendamenteve. Qeveria synon që më 9 Korrik t’i sjellë për votim, duke ju referuar faktit se marrëveshja apo letërkëmbimi Jahjga – Ashton, për themelimin e kësaj Gjykate, është marrëveshje ndërkombëtare dhe Kosova është e obliguar të përmbush këtë marrëveshje.
Kjo do të bëhet pa kërkuar edhe një herë mendim të Gjykatës Kushtetuese.
E pikërisht për Gjykatën Speciale, Kryetari i Kuvendit Kadri Veseli, i mblodhi të hënën përfaqësuesit e partive parlamentare, pozitë e opozitë që të diskutojnë për këtë çështje.
Veseli, pas takimit premtoi se Kuvendi do tw veprojë konform ligjeve dhe nuk do t’i zhgënjej miqtë ndërkombëtarë.
