Drejtori i sapozgjedhur i AKI-së, Agron Selimaj dhe inspektori i përgjithshëm do të raportojnë nesër para Komisionit Parlamentar për Mbikëqyrjen e AKI-së rreth mbarëvajtjes së punës së AKI-se.
Kryetari i Komisionit Parlamentar për Mbikëqyrjes së AKI-së, Haxhi Shala ka thënë se arsyeja e ftesës së drejtorit të AKI-së për raportim, pasi e kanë pjesë të punës që drejtori dhe inspektori i përgjithshëm të raportojnë në baza të rregullta. Por, ende mbetet mister arsyeja e dorëheqjes së ish drejtorit Bashkim Smakaj. Shala thotë se ende nuk kanë asnjë shkresë në të cilën do të ishin bërë të qarta arsyet e largimit të Smakajt nga pozita e drejtorit të AKI-së, por ajo që dihet zyrtarisht ësht ë se ai ka dhënë dorëheqje.
