Hyrja e Vetëvendosjes në koalicion që në fillim të jep idenë se është e shëndetshme për koalicionin dhe për vetë partinë, dy gjërat bazë mbi të cilat bëhen gjithmonë kompromiset, dhe një inkurajim që në vazhdimësi e kemi nxitur të ndodhë.
Natyrisht që nga hyrja në koalicion apo arritja e Marrëveshjes, gjërat në perceptim do të ndryshojnë, dhe receptuesit, fillimisht do të vënë në pah kundërshtimet më flagrante që mund të jenë, si çështja se Vetëvendosje është kundër dialogut, dhe tani vendosi ta udhëheqë. Për këtë çështje kemi dhënë përgjigje mendojmë meritore që kur Vetëvendosje deshi ta braktiste projektin e rrëzimit të Thaçit 3.
Ne kemi argumentuar se pikërisht moshyrja e Vetëvendosjes në qeveri do të ishte dëmi ndaj atdheut dhe të ardhmes, për faktin se ajo ashtu do të refuzonte të merrte përgjegjësitë për të bërë korrigjimet që mund të bëhen në marrëveshjet e deritanishme, dhe për të bërë gjërat më të mira të mundshme në menaxhimin e mëtutjeshëm të dialogut.
(Tekstin e plotë mund ta lexoni të premten në publikimin e shtypur të gazetës kombëtare “Bota sot” në Kosovë dhe diasporë)
