Presidentja e vendit, Vjosa Osmani, ditën e djeshme qëndroi në Lipjan, ku bashkë me të parin e kësaj komune, Imri Ahmeti, zhvilluan disa aktivitete.
E para e shtetit pos tjerash, pati edhe bashkëbisedim me të rinjtë e kësaj komune si dhe me gratë ndërmarrëse.
Përmes një postimi në Facebook, ajo tha se rinia është kapitali jonë i çmuar, dhe potenciali pa të cilin Kosova nuk mund të bëjë hapa përpara.
Reagimi i Osmanit:
Bashkëbisedim frymëzyes me të rinjtë e komunës së Lipjanit si dhe me gratë ndërmarrëse.
Rinia është kapitali jonë më i çmuar. Është potenciali pa të cilin Kosova nuk mund të bëjë asnjë hap përpara. E ky potencial krijon rezultatet e duhura vetëm atëherë kur ka gjithëpërfshirje e barazi mes grave e burrave.
