Ministri i Infrastrukturës, Mjedisit dhe Planifikimit Hapësinor Liburn Aliu, ka njoftuar se është bërë nënshkrimi i kontratës për fillimin e punimeve për rikonstruktimin e rrugës nga njëra nyje në hyrje të Prishtinës, deri në hyrje të Graçanicës.
“Do të bëhet komplet rikonstruimi i rrugës me gjatësi prej 3660 metra, me gjerësi të rrugës 7 metra dhe me trotuare në të dy anët e rrugës. Kostoja e këtij projekti është 1,737,871,42 euro.
Afati për përfundimin e punimeve është 135 ditë. Kjo rrugë e cila është mjaft e dëmtuar do të rregullohet sipas standardeve më të larta dhe do të jetë lehtësim i madh për qytetarët e shumtë që e frekuentojnë këtë aks rrugor”, ka shkruar ai në ‘Facebook’.
