Policia e Kosovës ka bërë të ditur se sa i përket veprave penale si grabitjet, vjedhjet dhe vjedhjet e rënda, është përfunduar një analizë dhe se parametrat e matjes së krimit në përgjithësi krahasuar me periudhën e njëjtë të viti të kaluar ka shënuar rënie.
Sipas policisë, veprat penale, për këtë periudhë kohore kanë shënuar rënie për -6.15% (nga 24631 në 2019, në 23114 në 2020).
“Po ashtu edhe rastet ( veprat penale plus incidentet tjera) të iniciuara nga policia, kanë shënuar rënie për -6.31%.Policia e Kosovës, në zbatim të detyrave të saja, në realizim të Planit të Punës, gjatë kësaj periudhe ka arrestuar 9715 të dyshuar, ose 12.71% më shumë se në të njëjtën periudhë të vitit të kaluar.Po ashtu, numri i personave që janë dërguar në mbajtje është 3870, ose 9.87% më i lartë se në periudhën e njëjtë të vitit të kaluar”, thuhet në njoftimin e policisë.
Tutje u shtua se veprat penale (ato më kryesoret), kundër pasurisë, kanë shënuar një ulje të ndjeshme, kështu:
-Numri i vjedhjeve ka shënuar ulje, nga 4131 në 3492 ose -15.46%;
-Numri i vjedhjeve të rënda ka shënuar ulje, nga 3421 në 3030 ose -11.42 %.
-Numri i rasteve grabitje ka shënuar ulje nga 147 në 127 ose -13.60%.
“Policia e Kosovës edhe përkundër uljes së trendit të krimit, vazhdon të mbetet e përkushtuar në zbardhjen e ç’do rasti, në identifikimin e ç’do personi të dyshuar, me qëllim për të zbatuar synimet e saja, për të ofruar një siguri dhe një ambient të qetë për të gjithë.Njëkohësisht policia, falënderon qytetarët për bashkëpunimin e treguar në të mirë të sigurisë publike në përgjithësi”.
