Mesfushori i kombëtares së Kosovës, Herolind Shala, i ka dhënë fund aventurës të Lyngby, duke iu bashkuar IK Start.
Lajmi është bërë i ditur nga skuadra IK Start në faqen zyrtare, e po ashtu edhe nga vetë futbollisti në rrjetet sociale.
“Klub i ri në karrierë. Jam pjesë e skuadrës norvegjeze IK Start. Më bindi projekti i ri i klubit për të nënshkruar këtu. Shpresojmë se do t’i arrijmë objektivat”, ka shkruar Shala në Facebook.
26 vjeçari gjatë karrierës së tij ka veshur edhe fanellat e Notodden, Odd, Sparta Prague, Slovan Liberec dhe Kasimpasa.
