Ish futbollisti i Barcelonës, Andre Iniesta, ka zbarkuar në Japoni. Ai është pritur si hero nga qindra dashamirët e këtij sporti. Ai do të luajë për ekipin Vissel Kobe, me të cilën nënshkroi një kontratë trevjeçare.
“Ishte një rrugë e gjatë deri këtu, por mezi po e pres këtë aventurë të re në Japoni, të njoh shokët e skuadrës e të luaj me ta.
Unë shpresoj që tifozët të argëtohen dhe ju premtoj se do të jap më të mirën e mundshme, duke u treguar atyre aftësitë e mia si futbollist. Dua të luaj sa më shpejt të jetë e mundur dhe deri të dielën do të jem në formën optimale”, ka thënë Iniesta.
