Mikel Arteta është shumë pranë zyrtarizimit si trajneri i Arsenalit. Ish-mesfushori i cili kohët e fundit mbante postin e ndihmëstrajnerit te Manchester Cityt, pritet të zëvendësojë Arsene Wengerin.
Sipas asaj që raporton “Goal.com”, Arteta ka arritur akordin me “topçinjtë” dhe shumë shpejt pritet të firmosë kontratën, për të marrë timonin e Arsenalit. Në të kaluarën 36-vjeçari ka mbajtur veshur fanellën e londinezëve, duke u shndërruar në një lojtar tepër të rëndësishëm, madje ka mbajtur edhe shiritin e kapitenit te Arsenali.
