Drita thyen një rekord të madh në Superligën e Kosovës
23 ndeshje pa humbje, Drita ka thyer një rekord historik në Superligën e Kosovës në Futboll.
Drita ka vazhduar me ecurinë fantastike në Superligën e Kosovës. Në ndeshjen e vlefshme për javën e 27, Drita mori pikët e plota në shtëpi përball Vllaznisë së Pozheranit, duke triumfuar 2-0.
Kjo ishte ndeshja e 23 në Superligë pa humbje për Dritën, duke thyer kështu rekordin e vendosur nga Besa në vitin 2003 (22 ndeshje pa humbje).