Southampton kontakton ish-trajnerin e AC Milan… - Bota Sot
Southampton kontakton ish-trajnerin e AC Milan…

Futboll

E shtunë, 23 qershor 2018

Southampton kontakton ish-trajnerin e AC Milan…

Më: 13 mars 2018 Në ora: 22:01
Southampton

Ashtu si raporton faqja italiane në internet “SportItalia”, bordi drejtues i Southampton, ka kontaktuar ish-trajnerin e AC Milan, Fiorentina dhe Torino, Sinisa Mihajlovic, për t’i propozuar postin e trajnerit, që ka mbetur vakant pas shkarkimit të Mauricio Pellegrino, mbrëmjen e kaluar. 46-vjeçari argjentinas u shkarkua nga “shenjtorët” pasi mori vetëm 28 pikë në 30 ndeshjet e Premier League, duke e lënë këtë ekip në luftën për “mbijetesë”, krejtësisht larg paraqitjeve të sezonit të kaluar, kur u rendit në vendin e tetë me trajnerin francez Claude Puel në stol.

Në 24 orët e fundit kanë qarkulluar disa emra si zëvendësuesit e mundshëm të Pellegrino, mes të cilëve ish-trajneri i Stoke City, Mark Hughes dhe Marco Silva i Watford, por flitet se objektivi kryesor i Southampton është Sinisa Mihajlovic. Ish-mesfushori i Inter dhe Lazio ka drejtuar shtatë skuadra që kur u tërhoq nga futbolli në vitin 2008. 49-vjeçari ishte trajneri i Torino deri në muajin janar, por u shkarkua pas humbjes kundër Juventus në Kupën e Italisë. Deri para 18 muajsh ai ishte në krye të Milan në “San Siro”.

Komentet
comments powered by Disqus
Sot mund të lexoni Shfletoni kopertinat
Sondazh
test