Prishtina është lider i ri i elitës së futbollit të Kosovës. Prishtina triumfoi me rezultat 2:0 ndaj Llapit nga Podujeva, në ndeshjen derbi të javës së 19-të, e cila u zhvillua në stadiumin “Shahin Haxhiislami” në Pejë, pasi që në kryeqyet ende nuk është fusha e gatshme. Llapi u rrëzua nga kreu, kurse Prishtina tani është lider i ri. Në një ndeshje mjaft të mirë të zhvilluara mes dy skuadrave më të mira, Prishtina doli më e suksesshme.
Në minutën e parë, Bozhoviç kaloi në epërsi Prishtinën, fal një goditje nga gjuajtje e lirë. Në minutën e 68-të, Jamal godet shtyllën e Llapit. Pas dy minutave (70’), Jamal harkon, Egzon Shabani shënon autogol për fitoren 2:0. Prishtina kryeson me 35 pikë, një më shumë se Llapi që tani renditet në vend të dytë dhe që do të luftojnë fyt për fyti për titull.