Trajneri i mirënjohur Afrim Tovërlani apo siç njihet si trajneri më i trofeshëm në periudhën e pas luftës, kujton një foto të gjeneratë së artë të klubit të futbollit Prishtina. Tovërlani ka qenë pjesë e Prishtinës në periudhën e artë, ku shihet në foto me fanellën bardhekaltër duke luajtur kundër Çelikut nga Zenica. Prishtina kishte triumfuar me rezultat 1:0 ndaj Çelikut, në takimin e javës së 26-të të Ligës së Parë të shtetit që nuk ekziston më Jugosllavia, e cila ligë vlerësohej si ndër më të forta në botë. Kjo ndeshje u luajt në kryeqytetin e Kosovës pikërisht me 27 prill të vitit 1986.
