Klubi i Tiranës me në krye presidentin, Refik Halili gjatë ditës së sotme ka prezantuar trajnerin e ardhshëm të bardhebluve, Mirel Josën.
Në një deklaratë për mediat, Josa tha se është një përgjegjësi e madhe për të marrë drejtimin e Tiranës, ndërsa premtoi se do të marrë rezultate pozitive.
“Është hera ime e tretë që emërohem te Tirana dhe gjate këtyre tre herëve e filloj ne mes të sezonit. Përgjegjësia është shumë e madhe duke pasur parasysh kërkesat që ka ky klub. Edhe jam i preokupuar për detyrën sepse i di shumë mirë vështirësitë, por me bashkëpunim do të arrijmë objektivat. Para se ta merrja drejtimin e ekipit gjatë këtyre katër muajve kam pasur shumë kontakte me tifozët. Nuk mund të ecim me premtime sepse ato i merr era. Kryesore janë rezultatet në vazhdimësi. Pata fatin të marr drejtimin e Tiranës që ndoshta mund të ishte emëruar një tjetër trajner edhe më i aftë. E kam ndjekur ekipin dhe ka një objektiv që të kemi harmoni në grup nga e cila do të na vijë suksesi.”
Sipas Josës, Tirana duhet të reagojë sa më shpejt, që të rikthehet te rezultatet e pretenduara.
“Do të përqendrohemi të motivimi i ekipit, sepse kjo ka ndikuar te ecuria. Si e vlerësoni skuadrën qe e gjetet te ngritur? Nuk mund të flas për pika të dobëta, pasi fillimisht do e shoh skuadrën në stërvitje. Sa duhet të njihni ekipin drejt rezultateve? Rezultatet nuk janë munguar, nuk ka limit kohe por duhet te reagojmë sa me shpejt”, përfundoi Josa.