Barcelona, Arsenali, Bayerni, PSG, shumë të fortë për skuadrat kundërshtare. Skuadra e Barcelonës triumfoi me rezultat 4:0 në ballafaqim me Manchester Cityn, në ndeshjen e xhiros së tretë të grupit C të Champions League. Pep Guardiola me Manchester Cityn pësuan humbje të thellë në Camp Nou. Guardiola u gjunjëzua nga ish skuadra e tij, Barcelona, me të cilën kishte fituar shumë trofe në të kaluarën.
Në minutën e 17-të, Messi kaloi në epërsi Barcelonën. Ai doli i vetëm dhe mashtroi portierin duke e fërfëlluar topin në rrjetë. Gjërat për Manchester Cityn u vështirësuan edhe më shumë kur portieri Bravo u ndëshkua me karton të kuq në minutën e 53-të. Bravo doli jashtë vijës së 16-shit dhe e ndali topin me dorë, kjo i kushtoi me përjashtim. Në pjesën e dytë, Messi tregoi formë të jashtëzakonshme dhe kompletoi het-trik-un.
Ai në minutën e 61-të ngriti epërsinë në 2:0 pas asistimit të Iniestës dhe pas tetë minutave (69') sërish shënoi, kësaj here asistoi Suarez. Në minutën e 74-të baraspeshohen forcat në terren, pasi Mathieu i Barcelonës u përjashtua nga loja pas dy kartonëve të verdhë. Neymar lëshoi mundësinë të thelloi epërsinë në minutën e 87-të, pasi që u tregua i pasaktë nga penalltia. Pas dy minutave Neymar shënon për fitoren bindëse 4:0.
Arsenali tregoi forcën e tij, duke e deklasuar ekipin bullgar, Ludogorets me rezultat 6:0. Mbrojtësi shqiptar Shkodran Mustafi si zakonisht titullar për Arsenalin, shijoi këtë fitoren bindëse. Golat i shënuan: Sanchez (12'), Walcott (42'), Oxlade-Chamberlain (46') e Ozil (56', 83' e 87'). Bayerni nga Munihu arkëtoi tri pikë domethënëse, duke e mposhtur me rezultat 4:1 PSV-ën. Muller (13'), Kimich (21'), Lewandowski (59'), Robben (84')shënuan për Bayernin dhe për mysafirët: Narsingh (41'). Futbollisti shqiptar, Taulant Xhaka, luajti standard për Baselin, por u kthyen duarthatë nga Parisi. PSG shënoi fitore me rezultat 3:0 ndaj Baselit. Autorë të golave janë:Di Maria (40'), Lucas (62') e Cavani (90+3').
Grupi A
PSG-Baseli 3:0 (1:0)
Arsenali-Ludogorets 6:0 (2:0)
Tabela
1.Arsenali 3 2 1 0 7
2.PSG 3 2 1 0 7
3.Basel 3 0 1 2 1
4.Ludogorets 3 0 1 2 1
Grupi B
Napoli-Besiktas 2:3 (1:2)
Dinamo (K)-Benfica 0:2 (0:1)
Tabela
1.Napoli 3 2 0 1 6
2.Besiktas 3 1 2 0 5
3.Benfica 3 1 1 1 4
4.Dinamo (K) 3 0 1 2 0
Grupi C
Barcelona-Manchester City 4:0 (1:0)
Celtic-Monchengladbach 0:2 (0:0)
Tabela
1.Barcelona 3 3 0 0 9
2. Manchester City 3 1 1 1 4
3.Monchengladbach 3 1 0 2 3
4.Celtic 3 0 1 2 1
Grupi D
Bayern-PSV 4:1 (2:1)
Rostov-Atletico 0:1 (0:1)
Tabela
1.Atl. Madrid 3 3 0 0 9
2.Bayern 3 2 0 1 6
3.PSV 3 0 1 2 1
4.Rostov 3 0 1 2 1
