Pas disfatës nga Interi, kapiteni i Juventusit, i sheh ata si një prej kandidatëve për titullin e kampionit.
Interi ia ka shkaktuar disfatën e parë sezonale Juventusit, duke i mundur me rezultat 2:1, në derbin e javës në Serie A.
Sipas Gianluiggi Buffon, zikaltërit kanë fituar me meritë dhe me këtë sukses kanë treguar që mund të luftojnë për Scudetto.
“Interi e ka merituar fitoren, pasi që ka zhvilluar një ndeshje të madhe duke sakrifikuar shumë”, ka thënë Buffon.
“Ndërmjet nesh, Romës dhe Napolit, edhe nerazzurrët kanë një ekip i cili do të synojë titullin”.
“I uroj ata për fitoren”, ka përfunduar portieri i Juventusit.