Ditët e fundit, tre lojtarë të Kombëtares shqiptare kanë zyrtarizuar kalimin e tyre te Kosova. Milot Rashica, Alban Meha dhe Herolind Shala do të jenë pjesë e skuadrës së drejtuar nga Albert Bunjaku.
Ndërkohë që rreziku që eksodi i futbollistëve të Kosovës të Kombëtares të vijojë është ende prezent për shkak të lejes që ka marrë Kosova në FIFA. Por, FSHF duket komode në këtë situatë. E gjithë kjo, për shkak të një mbledhjeje të zhvilluar disa muaj më parë.
Shqipëria u akomodua në një nga resortet që gjendeshin në qytezën e “Perro Gire” në Francë përgjatë qëndrimit në Europian.
Mirëpo, mbërritja në këtë hotel, ka vendosur thuajse përfundimisht edhe të ardhmen e Kombëtares shqiptare për kontingjentin që pati shansin të ishte pjesë e kuqezinjve në “Euro 2016”.
Gazeta “Panorama Sport” ka zbuluar një prapaskenë që ka ndodhur në Francë. Kreu i institucionit të futbollit në ven, Armand Duka ka zhvilluar një mbledhje të veçantë.
Nga kontingjenti i lojtarëve që kanë qenë në Francë të gatshëm për trajnerin De Biasi për ndeshjet në Grupin A të Europianit, Duka ka bërë një mbledhje me lojtarët e kuqezinjve që janë me origjinë nga Kosova.
Gazeta ka mësuar se ndër të tjera, tema kryesore e bisedës ka qenë zgjedhja që do të bënin këta futbollistë për të ardhmen e tyre. Duka u ka kërkuar lojtarëve kosovarë që të vendosin se çfarë zgjedhje do të bëjnë për të ardhmen e tyre në lidhje me Kombëtaren.
“Duhet të jeni të qartë se çfarë do të vendosni për të ardhmen. Si për veten tuaj, por edhe për ne që të kemi mundësinë të bëjmë planet për të ardhmen e Kombëtares”, mësohet të ketë qenë esenca e fjalës së Dukës përpara lojtarëve të Kosovës.
