Skuadra e futbollit Shkëndija e Tetovës tani më gjendet në Gent të Belgjikës, ku të enjten do të luajë takimin e parë të play-offit të Liga Evropës. Ekipi të martën pasdite me fluturim çarter udhëtoi për në Belgjikë dhe në orët e mbrëmjes u vendos në hotelin ‘Holiday Inn Express’. Skuadra është e kompletuar dhe me atmosferë të mirë priten duelet e reja Evropiane, ku Shkëndija këtë verë ka shkëlqyer duke eliminuar ekipe me renome si Krakovia (Poloni), Neftchi (Azerbajxhan) dhe Mllada Boleslav (Republika Çeke). Sonte nga ora 20:30 ekipi do të zhvillojë seancën e fundit stërvitore në stadiumin ‘Ghelamco Arena’. Përballja Gent-Shkëndija luhet të enjten me fillim në orën 20:30.