Liverpooli fitoi me rezultat 2:0 në transfertë ndaj Bërnlejt dhe provizorisht kryeson Premier Ligën me 42 pikë, dy më shumë se Arsenali që ka një ndeshje më pak.
Pas fitores, trajneri i Liverpulit, Jurgen Klopp për “Amazon Prime” nuk u duk i kënaqur aq sa duhet, ku preku ngarkesën e madhe që kanë pasur lojtarët gjatë kohëve të fundit, si dhe për episodet e vendimeve të gjyqtarëve, kryesisht te goli i dytë i anuluar.
“Ne u përpoqëm të gjenim se cila ishte mënyra e Liverpulit dhe kur kemi pengesa të gjejmë mënyra për t’i kapërcyer ato. Ne luajtëm një lojë të pabesueshme dhe më pas ishte vetëm 1 -0, që ishte vërtet e çuditshme! Kështu është në futboll.
Me situatën më të vështirë të ndeshjes arritëm të shkojmë në 2-0.
Është i mrekullueshëm.
Ky është një super gol nga Diogo Zhota. Një lojtar tjetër që shkëlqeu ishte edhe Uataru Endo.
Ne kemi krijuar shumë raste kohët e fundit dhe nuk i kemi shfrytëzuar shumë prej tyre, por në fund ka të bëjë me performancën. Kemi luajtur katër ndeshje në 10 ditë dhe vetëm duhet t’i kalonim ato. Tani kemi pesë ditët kohë deri në ndeshjen tjetër, që duket sikur do të shkojmë me pushime. Djemtë do të kenë dy ditë pushim me familjen.
Gol i parë ishte i mrekullueshëm. Kodi Gakpo luajti shumë mirë, kishte shumë kombinime të mira. Një sulmues ka nevojë për këto situata. Këtë herë topi është brenda. Në përgjithësi, ndeshja që luajtëm ishte pikërisht ashtu siç donim të luanim.
Darvun Nunjez është një finalizues i jashtëzakonshëm, por nëse një sulmues nuk shënon, i gjithë sistemi nuk është i njëjtë. Ti vë në pikëpyetje gjithçka. Nuk është vetëm bota e jashtme, por vë në dyshim gjithçka. Por ishte pikërisht një moment dhe ai e ka atë, kështu që gjithçka është mirë”, u shpreh fillimisht Klop
Për golin e dytë të anuluar dhe një shtytje të dukshme ndaj Mohamed Salah në pozicion jashtë loje: “Vetëm dikush që nuk ka luajtur kurrë futboll mund ta konsiderojë atë një pozicion jashtë loje. Është çmenduri kur e sheh këtë.
Pse gjyqtarët krijojnë këndvështrimin e tyre për diçka? Ne të gjithë shikojmë futboll dhe kemi nevojë për gjyqtarin, por ne kemi nevojë që ata të bëjnë interpretimet e duhura të rregullave”.
Për garën për titull: “Po, absolutisht. Kjo është mirë. Ndoshta do të ndryshojë dhe nuk është problem. Nuk ishte perfekte, por ne jemi këtu ku jemi".
