Rusia dhe Turqia vazhdojnë hetimet për vrasjen e bujshme të ambasadorit rus në Ankara, autoritetet e së cilës akuzojnë rrjetin e predikuesit turk, Fethullah Gulen, në mërgim në SHBA.
Nën vëzhgimin e kamerave, Mevlut Mert Altintas, një polic 22-vjeçar vrau ambasadorin e Rusisë në Ankara, Andrei Karlov.
Para se të vritej, vrasësis deklaroi se dëshironte të hakmerrej për qytetin e Alepos, që po merret nga regjimi sirian me mbështetjen e Moskës.
Por, në një bisedë telefonike me homologun amerikan, John Kerry, ministri turk i Punëve të Jashtme, Mevlut Cavusoglu, konfirmoi sot se “dinte” që rrjeti i Fethullah Gulen qëndronte pas vrasjes së ambasadorit, sipas agjencisë zyrtare turke të lajmeve, Anadolu Agency.
Kjo vrasje ndodhi në një kohë të përmirësimit të marrëdhënieve mes Turqisë dhe Rusisë që, kundërshtarë në çështjen siriane, kanë arritur një armëpushim që ka mundësuar fillimin e evakuimit nga pjesa lindore e Alepos mbajtur nga rebelët.
Drejtuesit e dy vendeve kanë denoncuar për një provokim që parashikon të sabotojë lidhjet e tyre.
“Ne nuk do të lejojmë në mënyrë absolute që marrëdhëniet tona me Sirinë të degradojnë”, theksoi sot presidenti turk, Recep Tayyip Erdogan.
Fakt i pazakontë, Turqia ka pranuar pjesëmarrjen në investigime të 18 hetuesve rusë, dërguar nga Moska dhe që kanë marrë pjesë në autopsinë e trupit të Andrei Karlov në Ankara.
“Ne duhet të mësojmë se kush e ka drejtuar dorën e vrasësit”, deklaroi presidenti, Vladimir Putin, i cili ka urdhëruar shërbimet sekrete ruse për riforcim të masave të Sigurisë në Rusi dhe jashtë saj.
