Rreth 27 persona janë lënduar këtë të enjte si pasojë e shembjes së një ure këmbësorësh në qytetin finlandez të Espoo, afër Helsinkit.
Mediat e huaja shkruajnë se sipas shërbimit të shpëtimit të rajonit të Helsinkit, nga shembja e urës për këmbësorë janë lënduar rreth 27 persona, shumica të mitur, e mes tyre ka edhe nxënës të shkollave profesionale.
Ekipet e shpëtimit dhe oficerët e policisë ndodhen në vendngjarje.
Ekipet e shpëtimit raportojnë se lëndimet janë të shkallëve të ndryshme, ndërsa shumica e të plagosurve kanë pësuar thyerje të gjymtyrëve.
