Shtetasi shqiptar Artur Mitro, me origjinë nga Berati, ka mbetur i plagosur pas një sulmi me thikë në zonën e Pireut në Athinë.
Ngjarja ka ndodhur pas një sherri në rrugë mes dy personash. I plagosuri është goditur disa herë dhe është dërguar në spital, ku po merr ndihmën e parë.
Policia greke mbërriti menjëherë në vendngjarje, por nuk mundi të arrestojë autorin, i cili është identifikuar dhe shpallur në kërkim.
Autoritetet po hetojnë për shkaqet e ngjarjes.