Rusia thotë se kompleksi i ambasadës së saj në kryeqytetin Damask të Siri, është sulmuar me predha nga kryengritësit.
Ministria e jashtme e Rusisë tha sot se ky sulm kishte ndodhur dje.
Askush nuk është lënduar nga këto sulme, për të cilat ministria tha se qartas kishin ardhur nga hapësira e kontrolluar nga “grupet terroriste”, që luftojnë kundër forcave të presidentit të Sirisë, Bashar al-Assad.
Rusia, që është aleate kryesore e prsidentit Assad, konsideron se sulmi me predha është “pasojë e aksioneve të vendeve, siç janë ato të Shteteve të Bashkuara dhe të disa aleatëve të tyre, që po e nxisin vazhdimin e konfliktit të përgjakshëm në Siri, duke i mbështetur militantët dhe ekstremistët e llojeve të ndryshme”.
Situata në Siri është përkeqësuar në mënyrë të konsiderueshme, prej shkatërrimit të armëpushimit para dy javësh, i cili ishte ndërmjetësuar nga Shtetet e Bashkuara dhe Rusia.