Për të dytën herë brenda një jave parlamenti turk është kthyer në një arenë boksi.
Deputetë të Partisë për Drejtësi dhe Zhvillim u përleshën fizikisht me politikanët pro-kurdë.
Shkak për sherrin masiv është bërë një koment i ministrit të Drejtësisë, Bekir Bozdag, i cili akuzoi partinë HDP si mbështetëse të kurdëve dhe shkaktar të dhunës së të enjtes së shkuar.
Kjo deklaratë shkaktoi zemërim në radhët e deputetëve opozitarë të cilët e konsideruan si “shpifje” dhe në këtë moment nisën trazirat.
Presidenti Rexhep Tajip Erdoan ka kërkuar ndjekjen penale të disa pjesëtarëve të partisë pro-kurde pasi e akuzon këtë të fundit se është një zgjatim i Partisë së jashtëligjshme të Punëtorëve të Kurdistanit.
