Konferenca e OKB për klimën në Paris ka bërë bashkë liderët botërorë. Aty është takuar edhe Vladimir Putin me Barak Obamën që kanë biseduar për gjysëm ore.
Obama i ka dhënë një ultimatum homologut rus; të heqë qafe Bashar Al Assadin.
Lideri sirian ka humbur me kohë kontrollin mbi popullin e tij dhe perëndimorët kërkojnë largimin e tij dhe zgjedhje të reja.
Obama ka qenë lakonik ndaj Putin, “Assad duhet të lërë drejtimin e shtetit”.
Strategjia e Obamës është që para së gjithash të largojë Assadin dhe më tej do të bisedohet për strategjinë e mëtejshme për luftimin e ISIS.
Të dy liderët janë shprehur “në favor të një zgjidhje politike të krizës siriane”.
Problemi ngelet nëse Putin do të flijojë apo jo Assadin.
Presidenti rus gjithmonë e ka mbështetur presidentin sirian dhe e sheh Sirinë si një pikë kyçe për shtrirjen e Rusisë në Lindjen e Mesme.
Largimi i Assadit do të komplikonte shumë politikën e jashtme ruse ndaj Putin vështirë se do të lëshojë pe ndaj Obamës që nuk pranon një “jo” si përgjigje.