Është ngritur çmimi i naftës në treg, pas deklaratës së ministrit rus të energjetikës, se Rusia mund të marrë pjesë në mbledhjen e OPEC-ut, për të diskutuara rreth çmimit shumë të ulët të naftës.
Ministri rus i energjetikës Alexander Novak ka thënë se forum ndërkombëtar i investimeve Sochi 2015 dhe Organizata e Vendeve për Eksportin e Naftës (OPEC) mund të organizojnë një takim në nivel teknik.
“Rusia është e gatshme të diskutojë për situatën e naftës dhe gazit,” ka thënë ai.
Kjo do të jetë pjesëmarrja e parë e Rusisë, në një takim të tillë. Si fuqia e tretë në botë për prodhimin e naftës, Rusia asnjë herë nuk ka marr pjesë në mbledhjet për caktimin e çmimit.
Por tashmë çmimi i ulët i naftës është duke ndikuar keq në ekonominë ruse dhe të hyrat e qeverisë.
Deklarata e ministrit Novak, ka ndikuar që çmimi i naftës të ngritët për 2.3%. Aktualisht një barel i naftës shkon në 49.25 dollarë.
