Agjencia e lajmeve ruse ka njoftuar se dy anëtarë të bandës së ashtuquajtur Kizilyurt janë vrarë, së bashku me një ushtar të forcave speciale ruse, gjatë një operacioni kundër terrorizëm në rajonin e Kaukazit Verior të Dagestanit.
Komiteti kombëtar anti-terror i Rusisë ka thënë njësitë speciale kanë vrarë dy militantët, pasi i kanë ndjekur për dy ditë. Ngjarja ka ndodhur afër fshatërave Nechayevka dhe Matesyevka.
Operacioni ka nisur pasi shërbimet e sigurisë kishin gjetur se “kampi” i militantëve ndodhej në një mal aty pranë.
Pas këtij operacioni, janë konfiskuar dy armë automatike, disa granta, pushkë, pistoleta dhe një sasi e konsiderueshme e municionit. Gjithashtu janë gjetur edhe eksplozivë dhe detonatorë, kanë njoftuar zyrtarët e sigurisë.
Banda Kizilyurt është përgjegjëse për një numër të konsiderueshmë të incidenteve që kanë ndodhur kohëve të fundit, duke përfshirë këtu edhe vrasjen e dy imamëve në Dagestan vitin e kaluar.