Rreth 3,000 pjesëtarë të milicive në Irak raportohet se kanë nisur një operacion kundër militantëve të Shtetit Islamik, pas rënies së qytetit Ramadi, javën e kaluar.
Forcat pro-qeveritare kanë thënë se kanë riamrrë konrollin e qytetit Husajba, që ndodhet në lindje të Ramadit.
Raportohet se luftime janë duke u zhvilluar edhe në afërsi të qytetit Khaldija.
Raportet, megjithatë, nuk mund të konfirmohen në mënyrë të pavarur.
Ramadi, kryeqytet i provincës Anbar, është vetëm 110 kilometra në perëndim të Bagdadit.
Rreth 500 njerëz kanë vdekur në këtë qytet dhe mbi 40,000 janë larguar.