Militantët e Shtetit Islamik e kanë lansuar një sulm kundër qytetit Ramadi në provincën Anbar, në pjesën perëndimore të Irakut.
Zyrtarët e sigurisë thanë sot se luftëtarët e Shtetit Islamik e kanë sulmuar qendrën e Ramadit me predha, ndërsa në periferi ka pasur përleshje.
Zyrtari i provincës Anbar, Hathal al-Fahdawi, tha se nga xhamitë është bërë thirrje që “secili që mund të bartë armë të mbrohet nga sulmuesit”.
Pjesa më e madhe e Ramadit, që është 100 kilomtra në perëndim të kryeqytetit Bagdad, është nën kontrollin e militantëve të Shtetit Islamik. Këta militantë kanë okupuar territore të gjëra në pjesën veriore dhe perëndimore të Irakut.
Në provincën Anbar, vetëm pak hapësira mbeten nën kontrollin e forcave të sigurisë së Irakut, që mbështeten nga milicitë shiite dhe luftëtarët fisnorë.
Humbja e e plotë e Ramadit do të ishte dështim i forcave të qeverisë, të cilat këtë javë e kanë thyer një rrethim të militantëve të Shtetit Islamik, në rafinerinë më të madhe në Irak.
