Një gjykatë në Kharkiv të Ukrainës u ka shqiptuar masën e paraburgimit për dy muaj 62 aktivistëve pro-rusë dhe atë të arrestit shtëpiak tre të tjerëve.
Të gjithë aktivistët janë akuzuar për organizimin e trazirave në masë.
Zyra e prokurorit rajonal ka thënë se të paraburgosurit, me përjashtim të dy udhëheqësve të së ashtuquajturës Lëvizje Lindore e Bllokut të Ukrainës, Yehor Lohvinov dhe Serhiy Yudayev, mund të lirohen me kushtin e pagesës prej 14,500 dollarësh.
Të 65 aktivistët janë arrestuar më 8 prill, dy ditë pasi kanë uzurpuar ndërtesën rajonale administrative të Kharkivit, duke kërkuar referendum për federalizimin e Ukrainës.