Xhiroja e katërt në Superligën e Femrave do të dhurojë disa ndeshje mjaft interesante.
Ndeshja kryesore do të zhvillohet ndërmjet nënkampiones, Prishtina dhe kampiones, Penza.
Edicionin e kaluar Prishtina në garat e rregullta kishte 20 fitore e asnjë humbje, por në finale të “Play-off-it”, pejanet fituan 3:1 dhe fituan titullin në Kosovë. Në këtë edicion të dy skuadrat kanë nga dy fitore e një humbje dhe pritet një ndeshje interesante dhe rivalizuese.
Bashkimi që e ka nisur edicionin me tri fitore e asnjë humbje do të ndeshet me Trepçën dhe shihet favorite ndaj skuadrës mitrovicase që ka një fitore e dy humbje.
Në takimin tjetër do të ndeshen Vëllaznimi me United Basketball. Skuadra kuqezi nga Gjakova do të kërkojë fitoren e parë për këtë edicion, ndërsa ajo gjilanase ka një fitore e dy humbje.
Superliga e Femrave-Java 4
E shtunë
15:00 Trepça - Bashkimi
E diel
14:00 Vëllaznimi - United Basketball
20:00 Prishtina - Penza
