Të premten në mbrëmje, Nets njoftuan se do të lejonin Kyrie Irving, të cilin e ndaluan nga ekipi derisa të merrte një vaksinim COVID-19, të ribashkohej me ekipin me kohë të pjesshme.
Irving, i cili mbetet i pavaksinuar, ka hyrë në protokollet e shëndetit dhe sigurisë së ligës, tha ekipi i tij, pjesë e një rritjeje të mungesave të lidhura me koronavirusin në mbarë ligën.
Irving është i fundit në listën në rritje të ekipit të lojtarëve të padisponueshëm. Më herët të shtunën, Nets konfirmuan Kevin Durant gjithashtu kishte hyrë në protokoll dhe do të humbiste ndeshjen e së shtunës kundër Orlando Magic në Brooklyn.
Durant dhe Irving u bënë lojtarët e tetë dhe të nëntë të Nets të deklaruar të papërshtatshëm për të luajtur për arsye të lidhura me virusin, një listë në rritje e mungesave që e ka lënë skuadrën në rrezik për të mos pasur mjaftueshëm lojtarë për të konkurruar. Sipas rregullave të ligës, një ekip duhet të ketë tetë lojtarë të përshtatshëm për një lojë.
Nuk dihet nëse Durant, Irving apo ndonjë lojëtar tjetër ka rezultuar pozitiv me koronavirus, shkruan New York Times.
Pasi të jenë futur në protokolle, lojtarët nuk mund të kthehen për të luajtur derisa të jenë izoluar për 10 ditë ose të kenë kthyer rezultate të shumta negative të testit në një periudhë kohore të caktuar.
Sipas rregullave të shëndetit dhe sigurisë të ligës, Durant, i cili është vaksinuar, mund të kthehet pasi të ketë dy teste negative, me nga 24 orë larg nga njëri-tjetri. Irving, për shkak se është i pavaksinuar, përballet me rregulla shumë më të rrepta para se të lejohet të luajë.
Nets tregoi planet e tyre për të kthyer Irving në ekip me kohë të pjesshme në një deklaratë të premten në mbrëmje, pavarësisht refuzimit të tij të vazhdueshëm për t’u vaksinuar dhe madje edhe kur rastet e koronavirusit rriten në Nju Jork. Për shkak të rregulloreve lokale shëndetësore, ai do të ketë të drejtë të luajë vetëm lojëra jashtë Nju Jorkut.
Këto rregulla nënkuptojnë gjithashtu se Irving nuk ka të drejtë të luajë në ndeshjet kundër Knicks, dhe rregullore të ngjashme së shpejti do ta pengojnë atë të marrë pjesë në lojërat si mysafirë kundër Toronto Raptors. Qeveria kanadeze, duke filluar nga muaji i ardhshëm, do të ndalojë hyrjen e atletëve të pavaksinuar në vend.
Irving nuk e ka diskutuar kurrë publikisht statusin e tij, megjithëse zyrtarët e ekipit – në deklaratat dhe veprimet e tyre – kanë konfirmuar se ai nuk është vaksinuar.
Ndërsa 97 përqind e lojtarëve të NBA-së janë të vaksinuar dhe liga ka publikuar reklama që promovojnë vaksinat, Irving mbetet kryeneç.
