Kryetari i Federatës së Xhudos së Kosovës, Agron Kuka, nga Rio për gazetën kombëtarë “Bota sot” konfirmon se në fundjavë përkatësisht të dielën, kampionia olimpike, xhudistja Majlinda Kelmendi me stafin e saj do të zbarkojë në aeroportin ‘Adem Jashari’ në Prishtinë. “Ekipi i xhudos kthehet nga Rio me 14 gusht, në orën 17:40 nga Frankfurti”, tha Kuka. Majlinda, krenaria e vendit tonë, që i solli medaljen e artë olimpike historike shtetit të Kosovës. Ajo bëri të lumtur Kosovën dhe mbarë kombin shqiptar, që nuk ka vend që nuk flitet për trimëreshën Majlindë.
