Federata e Volejbollit e Kosovës, me president Bahri Gjinovci, e ka përgëzuar Adriatik Kajtazin, për suksesin e madh në Zvicër.
Skuadra Schonenwerd është kampion i ri i Zvicrës.
Kajtazi është kryetrajner i kësaj skuadre.
“Trajneri 37 vjeçar kosovar Adriatik Kajtazi, ka arritur super sukses me skuadrën e tij zvicerane Schonenwerd, me të cilën u shpall kampion.
Në edicionin e parë në të cilin atij iu besua udhëheqja e skuadrës si kryetrajner, “Tiki” e ka arsyetuar besimin e klubit duke e shpallur Schonenwerdin, kampion të Zvicrës.
Rruga deri këtu nuk ishte aspak e lehtë, sepse u desh të luhej një seri maratonike prej 5 finaleve, derisa Kajtazi dhe skuadra e tij Schonenwerd, festuan në takimin e fundit 3-1.
Federata e Volejbollit e Kosovës (FVK), pérmes presidentit Bahri Gjinovci dhe bordit, e uron Adriatik Kajtazin për suksesin e arritur në volejbollin zviceran.
Kujtojmë që Adriatik Kajtazi, gjatë karrierës së tij në volejboll, ka shijuar trofe të shumtë në aventurën në volejbollin e Kosovës, Shqipërisë, Maqedonisë së Veriut e deri ne Katar”, shkruan në faqen e FVK-së.
